په کابل کې د چین سفیر بهرنیو چارو وزارت ته ویلي، هېواد یې له افغانستان سره د سړک جوړولو او اقتصادي پراختیا برخه کې مرسته کوي.
د مالوماتو له مخې،چین له افغانستان سره د سړک جوړولو برخه کې د ماشین الاتو مرسته کوي او تر څنګ یې د کورونا وبا د مخنیوي برخه کې هم خپلو همکاریو ته دوام ورکوي.
د چین سفیر دغه راز ویلي، له افغانستان سره مرسته شوی واکسین به د اداري کارونو تر بشپړېدو وروسته ډېر ژر کابل ته را ورسېږي.
چین د سولې په برخه کې هم د بشپړې همکارۍ ډاډ ورکړی او زیاته کړې یې ده،چې په افغانستان کې روان تاوتریخوالی باید پای ته ورسېږي او دایمي اوربند رامنځته شي.
