هندي پولیس وايي، هغه کس یې نیولی، چې خپل پاللی سپی یې په غونډوسکو پورې تړلی او هوا ته یې پورته کړی وه.
دا کس ۳۲ کاله عمري لري، ګورو شرما نومېږي او خپل ساتلی سپی یې په هغو غونډوسکو پورې تړلی وه، چې له ګازه ډکې وې او هوا ته یې پورته کړی.
شرما وايي، د سپي الوځولو لپاره یې د خوندیتوب ټول اړین تدابېر نېولي وو، خو پر خواله رسنیو له سختو نیوکو وروسته نوموړي له یوټیوب خپله ویډیو لېرې کړه.
پولیس وايي، د حیواناتو مرستې یوې خیریه ټولنې له شکایت وروسته یې شرما نیولی دی.
