د عامې روغتیا وزارت وایي، په تېرو ۲۴ ساعتونو کې یې د کورونا وبا ۷۶۴ مثبتې پېښې ثبت کړي دي.
د وزارت په خبره، تازه ثبت شوې پېښې ۱۵۴ کابل، ۱۴۸ کندهار، ۵۷ کندز، ۴۱ بلخ، ۳۹ تخار، ۳۱ ننګرهار،۱۸ هرات، ۷ بغلان، ۱۶ نیمرزو، ۲۹ پکتیا، ۲ فاریاب، ۵۱ میدان وردګ، ۲۸ بدخشان، ۶۵ لوګر، ۵ کنړ، ۲۱ لغمان، ۳۱ پنجشیر، ۷ زابل، ۱۱ پکتیکا او یوه یوه په نورستان هلمند ولایتونو کې ثبت شوي دي.
د وزارت په وینا، د نویو پېښو په ثبت سره پر کورونا وبا د اخته کسانو شمېر ۶۹ زره او ۱۳۰ تنو ته لوړ شوی.
دغه راز بیا په همدې موده کې د کورونا وبا له امله ۱۲ کسانو خپل ژوند له لاسه ورکړی او ۲۵۱ کسان روغ شوي دي.
د وزارت د مالوماتو له مخې، تر اوسه ۲ زره او ۸۸۱ کسان د کورونا وبا له امله مړه شوي او ۵۶ زره او ۹۶۲ کسان ترې روغ شوي دي.
