د ناټو سرمنشي ینس سټولټنبرګ پرون د پرتګال له لومړي وزیر انتونیو کاستا سره په پلازمېنه لېزبن کې د یوې خبري ناستې پر مهال ویلي، ناټو له افغانستان سره دوامداره همکاریو ته ژمنه ده،چې په دې کې د افغان ځواکونو روزنه او د هغوی مالي ملاتړ شامله ده.
ینس سټولټنبرګ او د پرتګال لومړي وزیر انتونیو کاستا د نورو موضوعاتو ترڅنګ پر افغانستان هم خبرې کړي دي.
سټولتنبرګ دغه راز خبریالانو ته ویلي، له ټولو هغو هڅو ملاتړ کوي،چې د تلپاتې سولې لپاره وي.
ناټو درې کاله مخکې په بروکسل کې د خپلې سرمشریزې پر مهال ژمنه کړې وه، چې د افغان ځواکونو مالي ملاتړ ته به د ۲۰۲۴ زېږدیز کال تر پایه دوام ورکوي او هر کال به پنځه میلیارده ډالره ورکوي.
