د فاریاب د ولایتي شورا غړي نادر سعیدي شمشاد ته وویل چې له تېرې ورځې راهیسې په قیصار ولسوالۍ کې د طالبانو او امنیتي ځواکونو تر منځ جګړه روانه ده.
هغه وویل چې د دغې جګړې په جریان کې تېره شپه د قیصار ولسوالۍ بازار ته څېرمه د هاوان مرمۍ لګېدو له امله څلور تنه عام وګړي وژل شوي او شپږ تنه ټپیان دي، خو هغه ونه ویل چې هاوان د چا لخوا توغول شوی و.
په ورته مهال کې بیا شاهین قول اردو ادعا کړې چې ملکیانو ته دغه مرګ ژوبله د طالبانو له لوري اوښتې ده.
د طالبانو ځایي سرچینې بیا د ملکي مرګ ژوبلې پړه پر امنیتي ځواکونو ور اچوي.
