یو شمېر بهرنیو رسنیو راپور ورکړی، چې امریکا په کابل کې د ترکي ځواکونو په یوه پوځي اډه کې سلګونه سرتېري پرېږدي، ترڅو پر کابل د طالبانو د برید په صورت کې د دوی پر وړاندې اقدام وکړي.
سرچینه کاږي، امریکا په دې اړه له ترکي چارواکو سره خبرې کړې، خو تر دې دمه ترکیې له دغې پرېکړې سره هوکړه نه ده کړې.
یاد سرتېري به همدا راز د امریکایي سفارت د ساتنې مسوولیت هم په غاړه ولري.
دا راپورونه داسې مهال خپرېږي، چې د دوحې له هوکړې سره سم باید ټول بهرني ځواکونه له افغانستانه ووځي، د سولې خبرې دې پایلې ته ورسول شي او افغانستان کې باید تاوتریخوالی کم کړل شي، خو روان وضعیت د کړکېچن کېدو لور ته روان دی او عامو افغانانو ته یې اندېښنې پیدا کړي دي.
