طالبانو د یوې خبرپاڼې په خپرولو سره له ګاونديو هېوادونوغوښتنه کړې،چې چاته د داسې اقدام او فرصت اجازه ورنه کړي.
طالبانو د نوم اخېستو پرته ویلي، که داسې کوم ګام اخیستل کېږي، دا به یوه لویه او تاریخي تېروتنه او بدنامي وي، چې په وینا یې پیغور به یې په تاریخ کې ثبت کېږي.
طالبان وایي، دوی به د دې ډول ناوړه او پاروونکو کړنو پر وړاندې غلي پاتې نه شي او د هر ډول ناخوالو او مشکلاتو مسوولیت به هم د هغه چا پر غاړه وي، چې د دې ډول تېروتنو لامل ګرځي.
دا خبرې داسې مهال کېږي،چې په وروستیو کې داسې راپورونه خپاره شول،چې ګواکې د امریکا متحده ایالت په سېمه کې د خپل پوځي شتون له پاره په پاکستان کې پوځي اډې جوړوي.
