د آسیا کرېکټ شورا له لورې په خپره شوې، اعلامیه کې راغلي،چې په دغه ټورنمنټ کې ګډون کونکې لوبډلې ډېرې بوختي دي او نه شي کېدی، چې ټولې لوبډلې په کې برخه واخلي.
یادې شورا تېر کال د کورونا وېروس له امله د ۲۰۲۰ سیالۍ ۲۰۲۱ ته وځنډولې او اوس یې دا سیالۍ ۲۰۲۳ کال ته ځنډولي دي.
یاده شورا وایې، دا سیالۍ یې ځکه ځنډولي، چې د ۲۰۲۲ کې د آسیا کپ بل ټورنمنټ په پام کې نیول شوی دی.
د آسیا کپ په سیالو کې افغانستان، هند، پاکستان، بنګله دېش، سریلانکا او د دویمې درجې یو بل هېواد لوبیږي.
دا سیالۍ په هرو دوو کلونو کې یو ځل ترسره کیږي.
له بل لوري پاکستاني رسنیو راپور ورکړی چې افغانستان او پاکستان ښايي د روان کال په اګسټ او سپتمبر میاشت کې د شل اوریزه نړیوال جام دمخه په متحده عربي اماراتو کې درې شل اوریزه او درې یو ورځنۍ لوبې ترسره کړي.
