وسله والو طالبانو تېره شپه لس نیمط بجې د کلات ښار لومړۍ حوزې اړوند د پولیسو پر کمربندي پوستو بریدونه کړي چې پایله کې یې د عملیاتي کنډک د رییس ارکان په ګډون شپږ پولیس وژل شوي
دي.
د زاب ولایتي شورا رییس، عطا جان حق بیان وايي، بریدونو کې د زابل د عملیاتي کنډک رییس ارکان محمد نسیم توخي او پنځه نور پولیس وژل شوي او درې نور ټپيان شوي دي.
حق بیان زیاتوي، طالبانو د جګړې پر مهال د پولیسو یو هاموې ټانک له منځه وړی او یو رینجر موټر یې له ځان سره وړی دی.
تېره ورځ د زابل په شاه جوی ولسوالۍ کې پر ملي اردو ځواکونو هم ماین چاودنه وکړهچې دوه سرتېري یې ووژل، او دوه نور یې ټپیان کړل.
