د هرات سیمه ییز چارواکي وايي چې د هرات ولایت، چشت ولسوالۍ لپاره د طالبانو نظامي قومندان ملاشېردل یې وژلی دی.
د هرات ولایت مقام وايي، ملا شېردل چې د ختیځو ولسوالیو لپاره د طالبانو نظامي قومندان و، تېره ورځ ماذدیګر مهال د چشت ولسوالۍ اریبا انتن سیمه کې افغان ځواکونو سره د مخامخ جګړې پر مهال وژل شوی دی.
د ولایت مقام ویلي چې ملا شېردل په دې وروستیو کې د چشت ولسوالۍ جګړه رهبري کوله.
وسله والو طالبانو تراوسه په دې اړه څه نه دي ویلي.
