ولسمشر اشرف غني له شپیګل المانۍ ورځپاڼې سره مرکه کې ویلي، د نړۍ هېڅ ځواک مې دې ته نه شي اړ کولی چې الوتکې تهپورته شم او هېواد پرېږدم.
ولسمشر په دغه مرکه کې ویلي، (زه له مرګه یوه مرمۍ لېرې یم، پر ما ډېر بریدونه شوي، خو افغانستان ویتنام نه دی او نه ما واک د کودتاه له لارې ترلاسه کړی، ولس ټاکلی یم، هېڅکله مې امریکايي ساتونکي نه دي لرلي، او نه امریکايي ټانکونو ساتلی یم، زه له هېواد سره مینه لرم او د دفاع لپاره یې سر ورکوم).
نوموړي د یوه سوال په ځواب کې ویلي چې د جګړې روانه تراژیدۍ باید نور بنده شي، څومره چې رسنۍ د تراژیدۍ په دغو روایتونو خبرې کوي، دومره خلک هېواد پرېښودو ته هڅوي، رسنۍ دې لطفا د دې پر ځای هغه فرصتونه تشریح کړي چې دلته په سختو او حتی جدي شرایطو کې موجود دي.
