د رسنیو د راپور له مخې د ازبکستان حکومت امریکا ته د پوځي اډې له ورکړې سره مخالفت ښودلی.
د راپورونو له مخې، امريکا په منځني ختيځ او منځنۍ آسيا کې د خپلو پوځيانو او پوځي تجهيزاتو لپاره د اډې په لټه کې دی او ازبکستان يو له هغو هېوادونو څخه و چې تمه کېده هلته به امريکايان اډه ترلاسه کړي.
امريکا د سیمې د کنترول او افغان حکومت سره د مرستې په نوم د پوځې اډې د ترلاسه کولو په هڅه کې ده ترڅو له افغانستانه تر وتلو وروسته خپلې موخې تعقيب کړي.
د تېرې مياشتې په وروستيو کې د روسيې دفاع وزير د سيمې هېوادونو ته سفر درلود او ګمان دا کېږي چې ممکن د روسيې د فشارونو له کبله امريکا په سيمه کې اډه ترلاسه نه کړي.
خو شنونکي اوس په دې باور دي چې امريکا به د خپلو ځواکونو لپاره افغانستان کې يوه پوځي اډه وساتي.
