د بغلان په برکه ولسوالۍ کې باوري سرچینې وايي، چې دغه ولسوالۍ تېره شپه لس بجې په بشپړ ډول د طالبانو لاس ته ورغلې او امنیتي ځواکونه نهرین ولسوالۍ ته تللي دي.
د بغلان د امنیې قومندانۍ ویاند احمد جاوید بشارت مني چې دغه ولسوالۍ طالبانو سقوط کړې، خو وايي چې طالبانو له څو استقامتونو پر ولسوالۍ بریدونه کړي چې امنیتي ځواکونو په تاکتیکي ډول شاتګ کړی او ولسوالۍ یې طالبانو ته پريښې.
امنیه قومنداني وايي، اوس امنیتي ځواکونه د نهرین په تاوشخ کوتل کې ځای پرځای شوي او ادعا کوي چې طالبانو ته یې مرګ ژوبله اړولې .
دواړو لورو ته د اوښتې مرګ ژوبلې په اړه کره جزیات په لاس کې نشته او طالبانو هم تراوسه په دې اړه څه نه دي ویلي .
