نن سهار د کابل ښار شپږمه، څلورمه او دریمه امنیتي حوزه کې درې چاودنو کې پنځه کسان وژل شوي او دوه نور ټپیان شوي دي.
لومړۍ چاودنه د کابل ښار څلورمې امنیتي حوزې اړوند کارته پروان سیمه کې پر یو کرولا موټر وشوه چې پایله کې یې دوه کسانو خپل ژوند له لاسه ورکړ.
دویمه چاودنه د کابل ښار شپږمې امنیتي حوزې اړوند، دارلامان پر سړک شوې. دغې چاودنې هم یو کرولا موټر په نښه کړی چې پایل کې یې دوه کسان ټپیان شول.
دریمه چاودنه بیا د کابل ښار په دریمه امنیتي حوزه کې د پولیسو رینجر موټر په نښه کړ چې پایله کې یې دوه کسان ووژل شول.
د کابل پولیس یادو چاودنو کې د څلور کسانو د وژل کېدو او دوه نورو د ټپی کېدو پخلی کوي او زیاتوي چې په اړه یې څېړنې پیل شوي دي.
په دې ورسوتیو کې کابل د هدفي وژنو او ماین چاودنو شاهد دی، چې د یو شمېر چاودنو قربانیان بیا ملکي ګړي دي، خو د ورته بریدونو مسوولیت هیڅوک پر غاړه نه اخلي.
