ملت ته د دولت د حساب ورکولو په لړ کې د ملکي هوایي چلند اداره وایي، د ځینو نیمګړتیا له کبله په تیرو لس کلونو کې افغان الوتنې د اروپا په بلک لیست کې شاملې وې، چې له اصلاحاتو وروسته یې له یادې ټولنې سره مذاکرات پیل کړي او تمه شته چې لګېدلي بندیزونه لرې کړي.
د ملکي هوايي چلند اداره وایي چې دوی تمه لري سږ به کال به وکولای شي د اروپا له بلک لیست څخه افغان الوتنې وباسي.
د هوایي ملکي چلند ادارې رییس محمد قاسم وفایي زاده وایي، په اوس کې د ملکي هوایي چلند له ۵۲ هېوادونو سره الوتنې لري او ډیر ژر به د اریانا لپاره نوې الوتکې هم وپیري.
ښاغلی وفایي زاده دغه راز وایي، پر هوایي ډګرونو یې څارنه زیاته کړې او زیاتوي چې تېر کال یې د سلګونه کیلو ګرامه نشه یي توکو او د پیسو او سرو زرو د قاچق مخه نیولې ده.
د ملکي هوایي چلند اداره دا هم وایي چې د ۱۱۲ میلیونه ډالرو په ارزښت یې رادارونه چمتو کړي چې له دې سره به د هوايي حریم کنترول لا پیاوړی شي.
دوی وایي، له دې سره به له افغانستان د تیرېدونکو الوتکو څخه ۲۵۰ ډالره فیس زیات اخلي چې ورسره به ملي عواید نور هم لوړ شي.
په ټوله کې افغانستان شااوخوا ۶۴ هوایي، دګرونه لري چې ۴ یې نړیوال دي او په پام کې ده چې د حامد کرزي هوایي ډګر لا پراخ او معیاري شي.
دغه اداره همدا راز وایي چې خپله کلنۍ بودیجه یې شاوخوا ۹۱ سلنه مصرف کړې هم ده.
