کندهار کې له موټر بم برید وروسته پيل شوې نښته چې درې ساعته دوام یې وکړ د څلور بریدګرو پر وژل کېدو پای ته ورسېد.
برید کې ټولو څلورو کسانو برخه اخیستې وه چې یوه یې موټر بم برید کړی او درې نور بیا افغان ځواکونو وژلي دي.
دا موټر بم برید نن سهار د کندهار دامان ولسوالۍ اړوند احمد شابابا نړیوال هوايي ډګر ته نږدې دملي امنیت د موټرو پر ورکشاپ شوی دی.
یوه سرچېنه چې نه غواړي نوم یې خپور شي وايي، موټر بم برید او وسله واله نښته کې د ملي امنیت څلور سرتیري ټپیان او یو یې وژل شوی دی.
برید کې د ملي امنیت د موټرو ورکشاپ ډیره برخه ویجاړه شوې ده.
طالبانو تر اوسه په دې اړه رسنیو ته څه نه دي ویلي.
