د غور د ولایتي شورا غړی عزت الله بیک افغان امنیتي ځواکونو سره نښته کې وژل شوی دی.
د ملي امنیت ریاست وايي، عزت الله بیک په دغه ولایت کې د وژل شوي خبریال بسم الله عادل په وژنه تورن و، چې امنیتي ځواکونو یې د نیولو هڅه کوله.
ملي امنیت وايي، بیک ځواکونو سره جګړه پیل کړې وه چې پرمهال یې یوازې عزت الله بیک وژل شوی دی.
د ملي امنیت ریاست وايي، کله یې چې د خبریال د بسم الله عادل له قاتل عبدالعزیز ابوقدامه چې په رامح مشهور و، څېړنې وکړې، هغه په خپلو اعترافونو کې وویل چې دغه برید عزت الله بیک پلان کړی و.
ملي امنیت وايي، ورته ثابته شوې چې له دې وړاندې د غور ولایتي شورا مرستیال هم د عزت الله بیک له لوري وژل شوی دی.
