د ولسي جرګې غړو د نننۍ غونډې په امتیازي ساعت کې د خبرو پر مهال کابل کې وروستی امنیتي وضعیت او هدفي بریدونه د جدي اندېښنې وړ وبللې او دایې د امنیتي ځواکونو کمزوري وګڼله.
دوی وایي د امنیتي سکتور وزیرانو ته یې ځکه رایه ورکړه چې ژر تر ژره وکړی شي امنیتي مسایل مدیریت کړي خو دوی برعکس په خپلو شخصي ګومارنو او چارو لګیا دي چې د همدې بې پروایۍ له امله په کابل او نورو ولایتونو کې امنیتي وضعیت خراب شوی دی.
د ولسي جرګې غړي دغه راز وایي چې د امنیتي پېښو، وژنو، هدفي بریدونو، تښتونو، جنایي جرمونو او نا امنۍ پېښې بې کچې ډېرې شوې دي چې له امله یې اندېښنې ډېرې کړې دي.
