د مصالحې عالي شورا په دویمه ناسته کې د هېواد مهمو سیاسي څېرو ګډون کړی و او تر ډېره یې د سولې په تړاو نظریات یو وو.
حامد کرزي د هر اړخیزې اوتلپاتې سولې د ملاتړ ډاډ ورکړ او هیله یې وښوده، چې دا مذاکرات به هېواد کې د یوې سیاسي حل لارې لپاره ور پرانیزي.
استاد عبدالرب رسول سیاف په خپلو خبرو کې وویل چې د سولې د مذاکراتو لپاره یو جامع ادرس شته چې هغه د ملي مصالحې عالي شورا ده.
استاد سیاف ویلي ټول سیاسیون او احزاب دې له همدې لارې د سولې په تړاو خپل نظریات شریک او له فردي غوښتنو دې تېر شي .
د ولسمشر لومړي مرستیال امرالله صالح، د افغانستان په معاصره دوره کې دا لومړنۍ جرګه بولي، چې افغانان یې د یوې سیاسي حل لارې په موخه ترسره کوي
صالح په طالبانو یو ځل بیا حکومت کې د مشارک او سهم اخیستو غږ وکړ .
