د اطلاعاتو او فرهنګ وزیر نن کابل کې د افغان خبریالانو په وړاندې د روان وضعیت په تړاو جوړې شوې غونډه کې پر نړیوالو او سیمه ییزو هېوادونو غږ وکړ چې د افغان حکومت پر ټولو هغو مخالفو لوریو فشار راوړي چې پر خبریالانو بریدونه کوي.
اطلاعاتو او فرهنګ وزارت د افغان حکومت په وسله والو مخالفینو هم غږ وکړ چې پر خبریالانو له بریدونو دې لاس واخلي.
اطلاعاتو فرهنګ سرپرست وزیر طاهر ذهیر پر خبریالانو برید بشري جنایت یاد کړ او د دوی وژنه یې یوه داسې لړۍ وبلله چې په خبره یې چې دا یوه غیر انساني لار ده.
ذهیر وویل ، دا د امنیتي بنسټونو دنده ده چې د خبریالانو ژوند خوندي کړي خو په ورته وخت کې یې د خبریالانو پر وړاندې د هر ډول تاوتریخوالي مسؤل طالبان وبلل چې دده په خبره جګړه کوي.
