د ولسي جرګې غړي وايي، د ولسمشر د لومړۍ مېرمنې په نامه د دفتر بودیجه دې و ارزول شي.
وکیلانو د لومړۍ میرمن ورستیو څرګندونو ته په غبرګون ویلي، افغانستان په قانوني توګه د لومړۍ مېرمنې په نوم څه نه لري او نه هم داسې کوم حکمي بست شته.
د وکیلانو په باور لومړۍ میرمن بې صلاحیته ده او په دولتي چارو کې یې لاسوهنې د منلو نه ده.
وکیلانو ویلي، افغانستان یو دیموکراتیک نظام لري خو رولا غني ورته د شاهي نظام فکر کړی چې ټوله کورنۍ یې پر افغانستان واک وچلوي.
رولا غني څو ورځې وړاندې په یوه مرکه کې ویلي وو چې د افغانستان پارلمان د پلور او پېر په مرکز بدل شوی دی. د نوموړې موخه دا وه چې په ولسي جرګه کې وکیلان خپلې رایې پلوري او وزیران یې په پيسو پېري.
