انور الحق ادعا کړې وه چې د سلواک هېواد تحصلي بورسیې ته په لوړو نمرو بریالی شوی و خو د سلیقوي او تبعضي چلند له امله یې پر ځای بل څوک لېږل شوی او د څو میاشتو حقوق یې هم نه دي ورکړل شوي.
دفاع وزارت مني چې انورالحق د هوايي ځواک د تخنیک برخې کار کونکی دی او د سلواک هېواد بورسیې ته بریالی شوی و خو د نه لېږلو دلیل یې دا ښيي چې انورالحق هلته د پاتې کیدو هوډ درلود.
مالومات دا دي چې د دولت په چوکاټ کې بهرنیو هېوادونو ته د زده کړو لپاره له لیږل کېدونکو اشخاصو څخه ضمانت اخیستل کیږي چې دا مسله خپله د بېرته راتګ تضمین دی.
خو انورالحق ویلي و چې هیڅ ستونزه یې نه درلوده او په دې پلمه له سلواکیا څخه منع شوی چې ګڼي دی له طالبانو او داعش سره اړیکه لري.
انورالحق دا هم ویلي و چې د څو میاشتو حقوق یې نه دي ورکړل شوي او دفاع وزارت دا مسله تخنیکي ستونزه بللې، وايي پاتې حقوق به یې ورکړل شي.
