تیرو ۲۴ ساعتونو کې د هیواد په یو شمېر ولایتونو کې د کرونا ویروس د۳۲۱ مثبتو پېښو د ثبتېدواو له دغې ناروغي څخه د ۱۱کسانو د مړ کېدو خبر ورکړل شوی دی.
روغتیا وزارت نن یکشنبه ویلي، تېرو ۲۴ ساعتونو کې د کرونا ویروس ۱۶۵۵مشکوک سمپلونو معاینه شوي چې ۳۲۱یې مثبت او پاتې نور یې منفي وو.
د یاد وزارت د معلوماتو له مخې په دې سره افغانستان کې د کرونا ویروس د ټولو مثبتو پېښو شمېر ۴۹ زره ۲۳۷ تنو ته لوړ شو.
همدارنګه تیره شپه او ورځ کې د هیواد په کچه د دغې ناروغي له امله ۱۱ تنه مړه شوي هم دي چې په دې سره د کرونا له امله د مړو شوو کسانو شمېر۱۹۷۱ تنو ته ورسېد.
د افغانستان د عامې روغتیا وزارت زیاتوي چې د دې ترڅنګ ۵۶ تنه بیرته له کرونا څخه جوړ شوي چې په دې سره د ټولو بیرته روغ شوو کسانو شمېر هم ۳۸۳۸۴ ته لوړ شو.
