د اسټرالیا لومړي وزیر اعلان وکړ چې هغه په افغانستان کې د خپلو سرتیرو لخوا د جنګي جرمونو تورونو ځانګړې څیړنه کوي ترڅو مسؤول کسان محاکمه شي.
د ځانګړې پلټنې اعلان کولو سره، د آسټرالیا لومړي وزیر سکاټ موریسن وویل چې هغه د خپلو هیوادوالو لپاره “سخت خبرونه” لري.
“د پیښې په تړاو مهم قضیې شتون لري چې نورو تحقیقاتو ته اړتیا لري ، او دا ډول تحقیقات په طبیعي ډول پیچلي دي.”
ښاغلي موریسن وویل چې د عمومي مفتش دفتر واک لري چې نظامي اقداماتو ته بیاکتنه وکړي او که اړینه وي نو د اردو پرسونل محاکمه کړي.
په وروستي کلونو کې، د ناسم چلند او همدارنګه د اسټرالیایی ځواکونو لخوا د ملکي وګړو او بندیانو د وژلو راپورونه ورکړل شوي دي.
لومړي وزیر سکاټ موریسن وویل چې د تفتیش پایلې تیره اونۍ حکومت ته ورکړل شوې وې.
تیره اونۍ څرګنده شوه چې په تحقیقاتو کې د ۲۰۰۵ او ۲۰۱۶ ترمینځ د احتمالي جنګی جرمونو ۵۵ قضیې شاملې وې ، چې ۳۳۶ کسانو د دغو پېښو په تړاو شاهدي ورکړې ده.
په مارچ کې اسټرالیايي رسنۍ، اې بي سي نیوز د هوایی ځواک د ځانګړي ځواکونو سرتیري هغه عکسونه خپاره کړل چې د راپورونو له مخې یو اسټرالیایی سرتیری د یو بې وسلې افغان وګړي سر په ډزو ولي.
