اسراییل او متحده عرب امارات د وېزې د معافیت هوکړه لاسلیکوي.
د انداډولو خبري اژانس د ځايي رسنیو په حواله راپور ور کړی چې متحده عربي امارات له اسرایلو سره د وېزې د معافیت پر سر هوکړې ته رسېدلي او ښايي دا هوکړه ژر لاسلیک شي.
راپورونه وايي چې دا هوکړه به د اسرایلو په تل ابیب ښار کې لاسلیک شي چې د لاسلیک په مراسمو کې به د متحده عربي اماراتو یو وزیر، د اسرایلو لمړی وزیر بن یامین نتنیاهو او د امریکا د خزانې وزیر سټیون مناوچن ګډون کوي.
په دې هوکړې سره به متحده عربي امارات لمړی عربي هېواد شي چې د اسرایلو مېشتوال به ور ته بې وېزې سفرونه کوي.
متحده عربي امارات او بحرین لمړي عربي هېوادونه دي چې له اسرایلو سره یې اړیکې نورمالې کړې دي.
