پرلښکرګاه ښار، ګرشک، د ښار په څلرمه امنیتي حوزه باباجي کې له تیرې شپې راهیسې جګړو زور اخیستی او ډېری سیمې هم سقوط شوي او یاهم امنیتي پوستې تسلیم شوي دي.
د هلمند کندهار لویه لار له تیرو دوو ورځو راهیسې بنده ده، په څلرمه امنیتي حوزه باباجي کې هم ډیری پوستې سقوط شوي او اوس هم درنه جګړنه روانه ده.
امنیتي سرتیري وایي، د هلمند – کندهار د لویې لارې ډیری پلچکونه هم نړول شوي او لاره د ترا فیکو پرمخ تړل شوې ده.
امنیتي سرچینې وایي، د تیري شپې په جګړوکې دواړو خواته مرګ ژوبله اوښتې خو کره شمیره یې نشته.
ګرشک، باباجي، د هلمند کندهار لویه لار، د ناوې ولسوالۍ یو شمیر سیمي نیول سوي او لاهم جګړه روانه ده.
د هلمند د والي مطبوعاتي دفتر وایي، تيره شپه د هلمند ولايت ګرشک، نادعلي او ناوې ولسواليو ترڅنک د هلمند – کندهار پر لویه د هوایې او ځمکني عملیاتو پرمهال ۲۶ وسله وال طالبان وژل شوي او ۴ نور ټپي شوي هم دي.
طالبانو په دې تړاو څه ندي ویلي.
