طالبانو د کندز امام صاحب ولسوالۍ کې شپږ تنه امنیتي سرتیري وژلي او ۱۶ نور یې نیولي دي.
سرچينې وایي، وسله والو تېره شپه د امام صاحب ولسوالۍ اړوند روضه مبارکې ته څېرمه په یوې امنیتي پوسته برید کړی، چې په پایله کې یې شپږ تنه سرتیري وژل شوي او پنځه نور ټپیان شوي یدي.
سرچینې دغه راز وایي چې وسله والو طالبانو ۱۶ نور سرتیري له ځانه سره هم بیولي دي.
امنیتي سرچينې بیا زیاتوي، یاده پوسته نن سهار وختي بېرته افغان ځواکونو له لوري نيول شوې، خو دوه ټانګونه، ګڼې وسلې او مهمات طالبانو له ځانه سره وړي.
وسله والو طالبانو بیا په دې اړه څه نه دي ويلي.
