نن د پخواني ولسمشر ډاکتر نجیب الله ۲۴ تلین دی.
د ۱۳۷۵ کال د تلې یا میزان په ۵ مه کابل ته د طالبانو له راتګ سره یوه ډله وسله والو پخوانی ولسمشر ډاکتر نجیب الله د ملګرو ملتونو له دفتره راووېست او په آریانا څلور لارې کې یې په دار کړ.
د پخواني ولسمشر د ملاتړو افغانانو د پرله پسې غوښتنو وروسته په لومړي ځل حکومت ومنله چې سږکال به د نجیب الله تلن مراسم په لویې جرګې خېمې کې جوړ شي خو د یوشمېر پخوانيو مجاهدینو له مخالفت سره مخ شول.
یوشمېر کابل ښاریان د اعتراض په ډول د لویې جرګې خېمې مخې ته راټول شوي دي.
دوی له دې امله اعتراض کړی چې ولې په لویې جرګې خېمه کې مراسم نه جوړېږي.
په ټولنیزو رسنیو کې هم په پراخ ډول پر حکومت نیوکې شوي چې ولې یې د ډاکتر نجیب الله د تلین مراسم وځنډول .
د حزب اسلامي مشر ګلبدین حکمتیار ګواښ کړی که د ډاکتر نجیب الله تلین لپاره په لویې جرګې خېمه کې مراسم جوړ شي، لویې جرګې خېمه او ارګ به کلابند کړي.
د ولسي جرګې پخواني مرستیال همایون همایون هم پر حکومت او په ځانګړې ډول ولسمشر نیوکې کړي چې له خپل فرمانه په شاه شوی دی.
همایون همایون ویلي چې د ولسواکۍ اصل نه دی چې دافغان جګړې ښکېلو اړخونو ترمنځ توپیري چلند کېږي.
