د لوړ پوړي پلاوي څلورمې ناستې لومړنۍ حاشیوي غونډه د کرونا ویروس خپریدو د اقتصادي او ټولینزو اغېزو په تړاو وشوه.
د مالیې وزارت مالي مرستیال د افغانستان مالي او اقتصادي وضعیت په اړه ګډونوالو ته هر اړخیز معلومات ورکړل چې د کرونا ویروس خپرېدل په هېواد کې د ملي عوایدو په راټولېدو منفي اغېزه کړې ده.
ماليې وزارت وړاندوینه کړې چې د تېر مالي کال پر پرتله به د روان مالي کال تر پایه د ملي عوایدو په راټولیدو کې ۲۵ -۳۰ سلنې پورې کموالی راشي.
د اسیایې هیوادونو لپاره د اروپایې ټولنې مسئولې وویل چې د افغانستان حکومت باید د مرستو په روڼتیا او اغیزمنتوب باندې تمرکز وکړي.
د اقتصاد وزارت مسلکي مرستیال ویلي چې د کرونا ویروس خپرېدل به د بیکارۍ او بېوزلۍ د زیاتوالي سبب شي.
د دې غونډې ټول ګډنوال په دې نظر و چې د افغانستان لپاره د ۲۰۲۰ کال پراختیایې کنفرانس کې چې ټاکل شوې ده د وران میلادي کال په پای کې په جینوا کې جوړ شي، تمویلونکي هېوادونه او بنسټونه باید له افغانستان سره په خپلو مرستو کې زیاتوالی راولي.
