جاپان افغانستان کې د بحران ختمولو لپاره له ازبکستان د درې اړخیزې ناستې جوړولو غوښتنه کړې ده.
جاپان ویلي، درې اړخیزه ناسته کې به افغانستان ته مشورې ورکړي چې څنګه کېدای شي بحران ختم کړي.
افغانستان لپاره د جاپان ځانګړي استازي کاتسوهیتو تاکاهاشي له خپل سیال عصمت الله ایرګاشف سره په خبرو کې ویلي، چې جاپان، ازبکستان او افغانستان دې درې اړخیزه غونده جوړه کړي.
جاپان او ازبکستان خبرې کړي چې څنګه کېدای شي د افغان سولې په تړاو بین الافغاني مذاکرات پیل او بحران په سوله ییز توګه حل شي.
دواړو هېوادونو په دې هم خبرې کړي چې د افغانستان اقتصاد د بیا پیاوړي کولو لپاره باید افغانستان کې بنسټیزې پروژې پلې شي.
