د قمرګلې په نوم یوې پیغلې او د هغې ۱۲ کلن ورور حبیب الله د غور ولایت تیورې ولسوالۍ ګریوه کلي کې طالبان له ماتې سره مخ کړي دي.
د غور ولایت مقام شمشاد ته په رالېږل شوې خبرپاڼه کې ویلي، قمر ګلې له هغه وروسته د طالبانو پر ضد وسله پورته کړه، چې طالبانو د تیورې ولسوالۍ پرګریوه سیمه کې دوه سیمه يیز پولیس او یوه ښځه ووژله.
دغه راز په خبرپاڼه کې راغلي، له یادې پېښې وروسته قمرګلې او ورور یې د طالبانو پرضد جګړه کړې چې له امله یې دوه تنه طالبان وژل شوي دي.
د چارواکو په وینا، د طالبانو لخوا په وژل شویو کې یو تن د قمرګلې پلار دی.
د غور سیمه يیز مسؤولین وايي، قمرګله او د هغې ورور یوه امن ځای ته انتقال شوي دي.
