هېواد کې د خصوصي پوهنتونونو، ښوونځیو او ښوونیزو مرکزونو ټولنې له حکومته په حضوري ډول د زده کړو د بیا پیل غوښتنه کړې ده.
د یادې ټولنې مسوولینو نن یوې خبرې ناستې پر مهال وویل، د قرنطین موده کې لسګونه خصوصي ښوونځیو او ښوونیزو مرکزونو خپل فعالیت د تل لپاره پريښی او که دوام پیدا کړي خصوصي سکتور ته به میلیونونه افغانۍ زیان واړوي.
دغه ټولنه دغه راز وايي، چې په ټولګیو کې یې د حضوري زده کړو لپاره له کرونا وېروس څخه د خوندیتوب لپاره تدابیر نیولی او حکومت باید د حضوري زده کړو اجاره ورکړي.
دغه ټولنه دغه راز وایي که چېرې یې غوښتنه ونه منل شي، په پراخو لاریونونو به لاس پورې کړي.
تېره ورځ د کرونا وېروس سره د مبارزې بېړنۍ کمېټې پرېکړه کړې، چې له مخې یې ښوونیز مرکزونه به د راتلونکې زمري میاشتې تر ۱۵ نېټې پورې تړلي وي.
