طالبان وایي، دوی د موقت حکومت د طرحې پلویان نه دي او دا ډله له خپله اړخه بین الافغاني مذاکراتو ته بشپړ اماده ده یوازې د زندانیانو د خلاصون پروسې ته منتظر دي چې ژر باید بشپړه شي.
طالب ویاند شمشاد تلویزون ته وویل، افغانان باید د بین الافغاني مذاکراتو یا د افغاني قضیې په تړاو تصمیم په خپل لاس کې ولري او له هر نوع فشار نه خالي وي.
ذبیح الله مجاهد هغه اوازې رد کړې چې د دوحې په مذاکراتي ټيم کې تغیر او تبدیل راغلی دی او زیاته یې کړه کله چې د بندیانو قضیه حل شي نو د مذاکراتو ځای به وټاکل شي
مجاهد زیاتوي، په خپلمنځي خبرو کې د امریکا په شمول چې هر چاته اړتیا شوه بلنه به ورکړي.
مجاهد زیاتوي، د موقت حکومت طرحه طالبانو نه ده وړاندې کړي، نه یې پلويان دي،.خو په وینا یې که په بین الافغاني خبرو کې نتایجو ته رسیدنه وشوه جنګ به ودریږي
