کرونا ویروس سره د مبارزې په موخه آلمان له افغانستان سره د څه کم شپږ میليارډ افغانیو په ارزښت مرسته کوي.
د مالیې نوماند وزیر عبدالهادي ارغنديوال نن د آلمان د اقتصاد او پراختیا وزارت مرستیال مارتین ییګر سره د ويډیو کنفرانس له لارې د پنځه اعشاریه اووه اویا ميلیارډ افغانیو د مرستې او د همکاریو په دوام خبرې کړي دي.
مارتین ييګر د آلمان دولت په استازولۍ د کرونا په دوره کې افغان دولت سره د لاډېرو مرستو ډاډ ورکړی او له افغان لوري یې غوښتي چې د روڼتیا په رامنځته کولو، ادارې فساد سره د مبارزې، اقتصادي ودې او ثبات برخو کې د دوه اړخیزو ژمنو سره سم اقدامات وکړي.
په دغه لېدنه کې دواړو خواو د افغانستان لپاره د ۲۰۲۰ کال پراختیايي کنفرانس په اړه چې ښايي فنلڼد کې ترسره شي هم خبرې کړي او دا د مرستو د جلب په موخه غوره فرصت یاد شوی.
