ملګري ملتونه وايي، ايران له ټاکلې اندازې زيات يورانيم غني کړي.
د ملګرو ملتونو د اټمي انرژۍ د څار ادارې ويلي، تهران له هغې اندازې اته برابره زيات يورانيم غني کړي، چې په ۲۰۱۵ کال کې ورته ټاکل شوې وه.
د ملګرو ملتونو اټمي انرژۍ د څار اداره وايي، ايران د مې مياشتې له شلمې نېټې را هيسې په ټيټه کچه يو اعشاريه شپږ کيلو ګرامه يورانيم غني کوي، چې له ټاکلې اندازې ۸ برابره زياته ده.
دغې ادارې تېره ورځ يو راپور خپور کړ، چې د ايران له لوري د شوې هوکړې ته هم پکې اشاره شوې ده.
د اټمي انرژۍ د څار اداره وايي، ايران منلې وه، چې د نړيوالو بنديزونو د نرمولو په بدل کې به خپل اټمي فعاليتونه راکموي خو دا چاره اوس برعکس برېښي.
ايران بيا تر دې مهاله د ملګرو ملتونو خپاره شوي راپور ته غبرګون نه دی ښودلی.
