امریکایي مخکښ سناتور لینډسي ګراهام یو ځل بیا له افغانستان څخه د امریکایي ځواکونو پر وتلو ټینګار کړی.
ګراهام تازه د افغانستان د وضعیت، سولې، روانې جګړې او سرتېرو د ایستلو په اړه د امریکا د بهرنیو چارو او دفاع وزارتونو ته یو لیک استولی دی.
نوموړي په دې لیک کې ویلي چې امریکایي ځواکونه باید له افغانستان وایستل شي ځکه پوره ۱۹ کاله جګړه په دغه هېواد کې یوه تېروتنه وه.
ګراهام همدا راز وایي چې امریکایي چارواکي دې له طالبانو سره له شوې هوکړې ځان ډاډه کړي او دغه هوکړه باید په افغانستان کې د ترهګرو مرکزونه ختم کړي چې بیا ځلې امریکا او د امریکا متحدینو ته له دې هېواد ګواښ پېښ نه شي.
ګراهام د سرتېرو پر ایستلو ټینګار کړی او ددې غوښتونکی دی چې ژر تر ژره دې په افغانستان کې د امریکا نظامي حضور او درانه لګښتونه پای ته ورسول شي.
