د پروان ولایت سیمه ییز چارواکي وايي چې تیره شپه د پروان ولایت په سیاګرد ولسوالۍ کې د سیمه ییزې اردو په پوسته د طالبانو په برید کې د سیمه ییزې اردو اوه سرتېري وژل شوي او یو بل ټپي دی.
د پروان د والي ویانده وحیده شهکار وایي، وسله والو طالبانو تیره شپه دوه بجې د پروان ولایت د سیاګرد ولسوالۍ په “انتن” سیمه کې د سیمه ییزې اردو پر پوسته برید کړی چې په پایله کې یې د سیمه ییزې اردو اوه سرتېري وژل شوي دي او یو بل ټپي دی.
وحیده شهکار زیاتوي، په دغه برید کې طالبان ته هم درانه تلفات اوښتي دي.
دا په داسي حال کې ده چې د درې ورځنې اوربند د ختمیدو سره سره تیره ورځ د امنیتي ځواکونو او وسله والو طالبانو ترمنځ نښتې نه وې.
