په تېرو څلرویشتو ساعتونو کې په افغانستان کې ۲۸۵ د کرونا ویروس مثبتې پیښې ثبت شوي دي .
روغتیا وزارت وایي له دې سره په افغانستان کې د کرونا ناروغانو شمېر ۴۶۸۷ ته ورسېد.
د روغتیا وزارت مرستیال وحید مجروح په یو خبري کنفرانس کې وویل چې کرونا ویروس خلک ژر نه پریږدي، هیواد کې به دوام پیدا کړي او خپل اوج به ولري .
له دې سره د روغتیا وزارت مالومات ښيې چې په تیرو څلرویشتو ساعتونو کې له دې ناورغۍ ۲ تنه مړه شوي او ۱۶ نور ښه شوي هم دي .
روغتیا وزارت په تیرو څلرویشتو ساعتونو کې ۷۰۹ مشکوک ټسټونه معاینه کړي چې ۲۸۵ یې مثبت او پاتې نور منفي دي .
له تازه پېښو کابل کې۱۶۱ پېښې ثبت شوي، کندهار کې ۳۰ بادغیس او لوګر کې ۱۸- ۱۸ ؛ ننګرهار کې ۱۶؛ کنړ کې ۱۱؛ هرات کې ۷، کندز، غور او بامیانو ولایتونو کې پنځه پنځه او پروان او هلمند کې درې درې پېښې ثبت شوي.
همدا راز په نورستان ولایت کې ۳ او میدان وردګ کې ۱ پیښخ ثبت شوې ده.
د روغتیا وزات مرستیال وحیدالله مجروح اندېښنه وښوده چې کروناویروس به په هیواد کې ډیر وخت دوام پیدا کړي او خپل اوج ته به وسیږي .
د روغتیا وزارت د مالوماتو له مخې په هیواد کې تر دې مهاله د کرونا مثبتو پیښو شمېر ۴۶۸۷ ته رسېدلی چې له ډلې یې ۱۲۲ کسان مړه شوي او ۵۷۴ ښه شوي دي .
