په هېواد کې د کرونا ویروس تازه ۶۰ نورې مثبتې پېښې ثبت شوي چې له دې سره د ټولو مثبتو پېښو شمېر ۹۹۳ ته لوړ شو.
د عامې روغتیا وزیر، فیروزالدین فیروز وایي، له تازه پېښو ۳۱ یې په کابل کې ثبت شوې دي.
د عامې روغتیا وزارت د معلوماتو له مخې افغانستان کې تراوسه ۳۲ تنه د کرونا ویروس له امله مړه شوي او ۱۳۱ نور روغ شوي دي.
تېره ورځ په بلخ ولایت کې د کرونا ویروس له امله شپږم ناروغ هم مړ شوی دی.
مزارشریف کې د کرونا ویروس د مخنیوي څانګې روغتون یوه مسوول ډاکټر امین شیرپور شمشاد ته وویل چې مړ شوی کس ۶۰ کاله عمر لري.
د هغه په خبره یاد کس د حمل به ۲۶مه روغتون کې بستر شوی وو او د شکر ناروغي یې هم درلودله.
