افغانستان کې د کرونا پنځه اویا سلنه ناروغان د سفر تاریخچه لري.
د افغانستان د عامې روغتیا وزارت مالومات ښيي چې په تیرو څلورویشت ساعتونو کې د کرونا ۴۹ مثبتې پيښې ثبت شوي چې ۷ یې کابل کې دي.
کورنا ویروس سره د مبارزې لپاره د وزارت پیسې اکثرو ولایتونو ته رسیدلې چې په عاجلو حالتونو کې به ترې ګټه واخستل شي.
په تیرو څلوویشت ساعتونو کې د کرونا نهه څلوېښت تازه پیښې ثبت شوې چې یو څلویښت په هرات، یوه دایکنډي او ۷ پېښې په کابل کې ثبت شوي دي.
د روغتیا وزارت مالومات ښيي چې په ټوله کې د کرونا پنځه اویا سلنه ناروغان د سفر تاریخچه لري خو وروستۍ پیښې په کور دننه خپریدونکی ویروس دی.
په ولایتونو کې د طبي وسایلو او نورو امکاناتو باندې نیوکې وې، خو روغتیا وزارت وایي، ځینو ولایتونو ته یې بودیجه لیږلې او اړتیا ده چې پلان ورته جوړ کړي.
له هرات وروسته د کورونا ویروس تر ټولو زیاتې مثبتې پیښې کابل کې ثبت شوې چې شمیر یې ۲۳ ته رسیږي.
روغتیا وزارت په خلکو غږ کړی چې په دې برخه کې ټول په ګډه مبارزه وکړي او دغه ویروس دې خطرناک وګڼي.
