د افغانستان په اتلس ولایتونو کې سختو سیلابونو ځاني او مالي زیانونه اړولي.
په ټول هېواد کې تر دې دمه په اتلس ولایتونو کې د سختو بارانونو او سیلاوونو له امله ۱۲ کسان شهیدان او شل نور ټپیان شوي دي.
د بیړنیو پېښو پر وړاندې د چمتووالي وزارت ویاند احمد تمیم اعظمي وايي، په دغو سیلاونو کې درې سوه کورونه ویجاړ شوي ۶۶۰ زیانمن درې سوه جوماتونه او ۳۵ کیلومتره سړک هم تخریب شوی دی.
اعظیمي وايي، تر دې دمه له دوه سوه اتیا کورنیو سره د خوراکي توکو مرسته شوې او هغوی چې د کورنۍ غړي یې وفات او یا ټپیان شوي دي ورسره نغدي مرستې شوي دي.
د چارواکو په وینا په اتلس ولایتونو کې سیلاوونه راغلي خو زیات ورانی یې په فرا، نیمروز، هرات، خوست، بغلان او تخار ولایتونو کې کړی دی.
