په تېرو څلورویشتو ساعتونو کې د هیواد په کچه د کرونا تازه پینځلس نورې مثبتې پېښې ثبت شوي.
د هرات او کابل په لابراتوارونو کې یو سلو دوه سمپلونه آزمایل شوي چې له ډلې یې پینځلس مثبت دي.
روغتیا وزارت د مالومات له غرمې وړاندې یوولس بجې ورکړ چې له تازه ثبت شویو مثبتو پېښو څخه یوه د غزني، درې فراه او یوولس د هرات اړوند دي.
د نورې نړۍ تر څنګ افغانستان هم د هغو هیوادونو په ډله کې دی چې ورځ تر بلې پکې د کرونا ویروس مثبتې پېښې زیاتیږي.
عامې روغتیا وزارت د تېرو څلورویشتو ساتونو راهیسې په بیلابیلو ولایتونو کې د پینځلسو تازه مثبتو پېښو د ثبت تایید وکړ او یو کس تازه په سمنګان ولایت کې د کرونا له ناروغۍ رغېدلی.
عامې روغتیا وزارت پر خلکو غږ کړی چې د کرونا ویروس د مخنیوي په موخه د عامې روغتیا وزارت سپارښتنې عملي او په ګڼه ګوڼه کې له ګډون څخه ځان وساتي.
روغتیا وزارت دغه راز خلکو ته اعلان وکړ چې د حالاتو تر ښه کېدو دې په ټولو شخصي شفاخانو او کلینیکونو کې فیس نه ورکوي او په وړیا ډول دې د ډاکټر سپارښتنو ته مراجعه وکړي.
