افغان حکومت کرونا ناروغۍ سره د مبارزې لپاره د سرتاسري اوربند غوښتنه و کړه.
د ملي دفاع سرپرست وزیر اسدالله خالد وايي افغان ځواکونو ته د دفاعي حالت څخه فعال دفاعي حالت ته د تګ امر شوی او له ټولو خواوو یې غوښتي چې اوربند وکړي.
خالد ویلي، افغان حکومت او ځواکونه، په جدیت سره د کرونا د مخنیوي او خلکو ته د خدماتو رسولو برخه کې کار کوي، چې د دغې چارې د سم ترسره کیدو لپاره سرتاسري اوربند ته اړتیا ده او دوی یې وړاندیز او غوښتنه کوي.
طالبانو بیا د اوربند په تړاو تر اوسه څه نه دي ویلي.
