تهران وايي د یورانیمو غني کولو لړۍ ته به دوام ورکړي او نور د اټومي تړون ژمنتیا له پامه غورځوي.
ایران وروسته له هغې دا خبر ورکړ چې پیاوړی جنرال قاسم سلیماني یې د امریکا په هوايي برید کې ووژل شو.
ایران او پنځه نورو لویدیځو هیوادونو په ۲۰۱۵ کال کې اټومي تړون لاسلیک کړ چې له امله یې د اټومي وسلې پر جوړولو محدودیتونه ولګیدل.
امریکا بیا د ټرمپ له واک ته رسیدو سره سم له دغې تړون ځان و ویست او پر هغوی یې بندیزونه ولګول.
اوس د ایران ولسمشر حسن روحاني د سلیماني پر وژل کیدو د غوسې له امله دغه محدودیتونه له پامه غورځولي دي.
له دې سره سم پلازمېنه بغداد کې یو ځل بیا هوايي بریدونه شوې دي.
عراقي رسنۍ وايي، شپږ توغندي د پلازمینې بغداد په امن سیمه یا ګرین زون کې لګیدلي دي.
د عراق پوځ وايي، په دغه سیمه کې دولتي دوانۍ او بهرني عملیاتي مرکزونه دي.
هغوی وايي، د دې ترڅنګ درې نور راکټونه هم د جدریه په نوم سیمې شاوخوا لګیدلي دي.
رسنیو تر اوسه نه دي ویلي چې دغه راکټونه د چا له خوا توغول شوي خو د ایراني جنرال له وژل کیدو او د امریکا پر سفارت له برید وروسته دا دویمه شپه ده چې هوايي بریدونه کیږي.
اخوا د عراق پارلمان د امریکايي ځواکونو د بشپړ وتلو غږ هم کړی دی.
