وسله والو د کندهار په خاکرېز ولسوالۍ کې د ملي اردو پر یوه مرکز موټربم برید کړی
یوه سرچینه چې نه غواړي نوم یې خپور شي وویل، نن سهار طالب وسله والو د خاکرېز ولسوالۍ اړوند شرغي سيمه کې د ملي اردو پر یوه مرکز موټر بم برید کړی، چې پر مهال یې ملي اردو سرتېرو ته مرګ ژوبله اوښتې خو کره شمېر یې نه دی معلوم.
خو د کندهار د امنیې قوماندانۍ ویاند جمال ناصر بارکزی وايي، افغان ځواکونو د یاد برید مخه نيولي او وروسته جګړه رامنځته شوې، چې پر مهال يې نهه وسله وال وژل شوي او شپږ نور ټپیان دي.
طالب وسله والو بیا په یاد برید کې د درنې مرګ ژوبلې ادعا کړې ده.
قاري یوسف احمدي وایي، برید د دوی کسانو کړی د ملي اردو قرارګاه یې له منځه وړې پکې لسګونه سرتېري وژل شوي دي.
