د بشر حقونو خپلواک کمیسیون موندنې ښيي چې د تېرکال په پرتله د ملکي وګړو تلفات زیات شوي دي.
د بشر حقونو خپلواک کمېسیون موندنې ښيي چې د روان کال لومړیو شپږو میاشتو کې د تېر کال د شپږ میاشتو په پرتله د ملګي وګړو مرګ ژوبله کې اته اعشاریه شپږ دېرش سلنه زیاتوالی راغلی دی.
د بشري حقونو کمېسیون انديښنه لري، که عدلي او قضايي مرکزونه مجرمینو ته بښنه وکړي، د مرګ ژوبلې ګراف به نور هم لوړ شي او دوام به پيدا کړي.
بشر حقونو کمېسیون وايي، د جګړې ښکېلې غاړې له ژمنو سره سره د ملګي وګړو خوندیتوب ته پاملرنه نه کوي.
د بشر حقونو خپلواک کمېسیون اندېښنه لري، چې د جګړې ښکېلې غاړې د ملګې وګړو مرګ ژوبلې ته پاملرنه نه کوي او د ملکي وګړو مرګ ژوبله کې د تېر کابل په پرتله اته اعشاریه شپږ دېرش سلنه زیاتوالی راغلی.
بشري حقونو کمېسیون وايي، د ملګي وګړو په مرګ ژوبله کې ښکېل کسان ژمنه کوي، چې د ملکي وګړو خوندیتوب ته به پاملرنه کوي؛ خو عملی کوي یې نه.
د بشري حقونو کمېسیون په عدلي او قضايي مرکزونو نیوکه لري، چې مجرمینو ته بښنه کوي او همدا لامل دی، چې د ملکي وګړو په مرګ ژوبله کې کموالی نه راځي.
حکومت او طالبان چې د جګړې اړخونه دي هرځل په دې تړاو جدي سپارښتنې کوي، خو داسې ښکاري چې دا سپارښتنې جګړه کې له پامه غورځیږي.
د افغانستان لپاره د ملګرو ملتونو سازمان د پنجشنبې په ورځ د یوې اعلامیې په خپرولو سره ویلي چې په افغانستان کې جګړه زیاتره قرباني له ملکیانو اخلي او په تېره یوه لسیزه کې ۱۰۰ زره ملکي وګړو ته مرګ ژوبله اوښتې.
هر کله د ملکي وګړو د مرګ ژوبلې په راپور کې طالبان زیات مسوول ګڼل کیږي.
