وسله والو طالبانو د سولې ولسي حرکت ۲۷ تنه غړي له ځانه سره وړي دي.
طالبانو نن ماښام په فراه کې د سولې ولسي حرکت ۲۷ غړي له ځانه سره وړي دي.
د سولې ولسي حرکت ویاند بسم الله وطن دوست شمشاد ته ویلي، چې ۲۷ تنه ملګري یې له هرات څخه فراه ته پر لاره و چې طالبانو له سړک ښکته کړي او نا مالوم لوري ته یې وړي دي.
وطن دوست وايي تر اوسه د خپلو ملګرو په اړه هیڅ مالومات نه لري او نه هم د فراه مسوولین اړیکه ځوابوي.
خو د فراه د امنیه قومندانۍ ویاند محب الله محب شمشاد ته وویل، چې د پېښې په تړاو یې څېړنې پيل کړي دي.
