د مشرانو جرګې ځینو غړو د سولې د روانو خبرو په تړاو اندیښنه وښوده چې وضاحت پکې نشته.
سناتورانو په ازاد بحث کې په قطر هیواد کې د امریکا او طالبانو ترمنځ په روانو خبرو انديښنه وښوده چې طالبان له امریکا سره اوربند کوي.
انديښنه دا وه چې روانې خبرې د پردې تر شاه دي او پرته له بین الافغاني خبرو او اوربند څخه د سولې خبرې بې ګټي دي.
د جرګې ځینې غړي په دې باور دي چې پرته له بین الفغاني خبرو او اوربند څخه د سولې خبرې پایله نه ورکوي او روانه جګړه به زور واخلي.
سناتورانو څرګنده کړه چې افغانان هغه سوله نه غواړي، کومه چې دایمي ثبات و نه لري.
سناتورانو په طالبانو غږ وکړ چې له افغان حکومت سره خبرې وکړي او یواځې له امریکا سره خبرو او اوربند باندې ستونزه نه حل کیږي.
سناتورانو له افغان حکومت وغوښتل چې د سولې د خبرو لپاره دي خپل هیات وټاکې ترڅو خپل مسولیت یې دسولې د خبرو په برخه کې ادا کړی وي.
