ټاکنو خپلواک کمېسیون له اوږدو نانندریو وروسته لومړنۍ پایلې اعلان کړې.
په دغو پایلو کې محمد اشرف غني د ۹ سوه ۲۳ زره ۸ سوه ۶۸ رایو په ګټلو سره له نورو مخکښ او ۵۰ اعشاریه ۶۴ سلنه رای یي ګټلي دي.
په دویم مقام کې عبدالله عبدالله دی چې د ۳۹ اعشاریه ۵۲ سلنې رای په ګټلوسره دویم او درېیم ځای هم ګلبدین حکمتیار نیولی.
د ټاکنو خپلواک کمېسیون مشرې حوا عالم نورستانۍ وویل چې هغه نوماندان چې شکایت لري تر درې ورځو کولای شي چې خپل شکایت ثبت کړي.
یونما د لومړنیو پایلو اعلان هرکلی کړی او په دې برخه کې یې د ټاکنیزو کمېسیونونو هڅې ستایلي دي.
له دې سره د عبدالله عبدالله په مشرۍ د ثبات او همپالنې ټاکنیز ټیم د لومړنیو پایلو اعلان سره مخالفت کړی دی.
ددغه ټاکنیز ټیم څخه په خپره شوې خبرپاڼه کې راغلي چې ټاکنو کمېسیون د نوماندانو له سلا مشورې پرته پایلې اعلان کړي چې دوی یې مخالفت کوي.
په اعلامیه کې کمېسیون په غیرې قانوني کړنو او طرف نیولو تورن شوی دی .
دغې ټاکنیزې ډلې خپلو پلویانو ته ډاډ ورکړی چې له هرې ممکنې قانوني لارې به یې حقونه خوندي کړي.
