د ملک سلمان خیریه بنسټ د هېواد ۱۴ ولایتون کې د جمعې پر ورځ د (۱۴۰۲ کال د زمري پر ۱۰ مه) سلګونه کورنيو ته د مرستې وېش څلورم پړاو پیل کړ.
په افغانستان کې د اسلامي همکاريو سازمان مشر محمد سعید الغیاش د دې لړۍ د پیل مراسمو کې د وینا پر مهال وویل، دغه مرستې به د هېواد په ۱۴ ولايتونو کې په شاوخوا ۱۳۴زرو اړمنو کسانو ووېشل شي.
الغیاش زیاته کړه:« په درېيمه او څلورمه مرحله کې شاوخوا ۲۲ زره بستې په ۱۴ ولايتونو کې وېشل کيږي چې شاوخوا ۱۳۳۵۰۰ کسان به ترې برخمن شي. دا مرستې به په غزني ، میدان وردګ ، خوست، بامیان ، دايکندي ، پروان ، پنجشیر ، کاپیسا ، بدخشان ، تخار ، بلخ ، کندوز ، سرپل او جوزجان ولایتونو کې ووېشل شي.»
د دې سازمان مشر محمد سعيد العایش دغه رزا وایي، د ملک سلمان خیريه بنسټ په تیرو۸ مياشتو کې ۲۵زره ۶۵۰ بستې له اړمنو سره مرستې کړي.
هغه زیاتوي:« په افغانستان کې د اسلامي همکارۍ سازمان وياړ لري چې د خوراکي موادو درېيمه او څلورمه مرحله اعلان کړي. دغه مرستې د همدې کال د جنورۍ په میاشتې په ۱۹ نيټه پیل شوي او تر اوسه پورې يې لومړۍ او دویمه مرحله ترسره شوې. ترې مهاله مو ۲۵ زره ۶۵۰ بستې په ۱۱ ولايتونو کې وېشلي دي.»
د ملک سلمان خیریه بسټ دغه مرستې د افغاني سرمیاشتې ټولنې له لورې ویشل کيږي.
د افغاناي سرې میاشتې ټولنې مشر مطیع الله خالص وايي، د هېواد په ۱۴ ولايتونو کې اړمن او له فقر سره مخ کورنۍ یې سروي کړي او هڅه کوي چې يادې مرستې پرې په شفاف ډول وویشي.
مطیع الله خالص دغه رزا له ټولو نړيوالو بشري مرسته رسوونکو سازمانونو وغوښتل چې په اوسنيو سختو شرایطو کې د افغانانو لاسنيوی وکړي او خپلې مرستې دې نه سياسي کوي.
